PINAS The Filipinos Global Newspaper

CJ Corona, papatunayang tatlo lang ang pag-aari ng dollar deposits

pinas — Thu, 17 May 2012 23:59:35 +0000

PATUTUNAYAN ni Chief Justice Renato Corona na nasa tatlo lamang ang pag-aari nitong dollar deposits taliwas sa napaulat na mayroon itong 82 dollar accounts.

Sinabi ni Defense Panel spokesman Ramon Esguerra na kanilang pinaghahambing ang hawak na report ni Ombudsman Conchita Carpio-Morales mula sa Anti-Money Laundering Council (AMLC) at ang sariling rekord ng punong mahistrado.

Pawang mga transactional reports lamang aniya ang inihayag ng Ombudsman sa impeachment court at hindi ang mismong pinagmulan ng bank transactions.

Sa testimoniya ni Morales, inihayag nitong nagmamay-ari ng 12 milyong dolyar na “fresh deposits” si Corona mula sa 82 accounts sa limang magkaka-ibang bangko.

Mula sa DZAR 1026 Sonshine Radio News Center

Yaman ni CJ Corona galing kay CGMA

pinas — Thu, 17 May 2012 23:53:13 +0000

GALING umano kay dating pangulo at ngayon ay Pampanga Rep. Gloria Macapagal-Arroyo ang hindi maipaliwanag na dami ng yaman ni Supreme Court Chief Justice Renato Corona.

Ito ang paniniwala ni House Prosecutor Rep. Neri Colmenares.

Dahil dito, nais ni Colmenares na patuloy pang imbestigahan ng Ombudsman at i-trace ang mga perang nasa bank accounts ng chief justice.

Maalalang si Arroyo ang nagluklok sa pwesto kay Corona sa Korte Suprema noong panahong patapos na ang kanyang termino bilang pangulo.

Mula sa DZAR 1026 Sonshine Radio News Center

PNA website, muling inatake ng hackers

pinas — Thu, 17 May 2012 11:30:13 +0000

MULING inatake ng mga hackers ang website ng Philippine News Agency (PNA), na una nang biniktima ng mga nagpapakilalang Chinese hackers na umaangkin sa Scarborough Shoal.

Kung dati ay Chinese characters, sa pagkakataong ito ay English characters naman ang ginamit ng mga hackers na nagpakilalang apple@evilshadow.”

Kung saan ginawang katatawanan ang larawan ni Pangulong Noynoy Aquino sa nasabing site, dahil sa inilagay na bote ng gatas sa may bahagi ng bibig nito.

Mula sa DZAR 1026 Sonshine Radio News Center

Ebidensya ng Ombudsman, credible – Lacierda

pinas — Thu, 17 May 2012 11:27:17 +0000

KUMBINSIDO ang Malacañang na “credible” ang mga ebidensyang hawak ng Ombudsman para madiin si Supreme Court (SC) Chief Justice Renato Corona sa kanyang million-dollar accounts.

Ayon kay Presidential Spokesman Edwin Lacierda, sa Anti-Money Laundering Council (AMLC) ang mismong source ni Ombudsman Conchita Carpio-Morales na siyang nakatutok sa mga bangko, kung saan naka-deposito ang dolyares ni Corona.

Batay din umano sa testimonya ni Morales, lahat ng mga dollar accounts ay nakapangalan kay Renato Corona at walang nabanggit sa kanyang asawa na si Cristina o sa anak na si Czarina.

Mula sa DZAR 1026 Sonshine Radio News Center

Chinese pull-out, pansamantala lang- DOT

pinas — Thu, 17 May 2012 11:10:05 +0000

KUMPIYANSA ang Department of Tourism (DOT) na magiging pansamantala lamang ang “pull-out” ng mga Chinese visitors, sa bansa.

Ito’y matapos magkansela ng mga tour packages papuntang Pilipinas ang ilang Chinese travel agency gayundin sa ginawang pagpapauwi sa kanilang mga kababayang nagbabakasyon sa Pilipinas.

Sa kasalukuyan, sinabi ni Tourism Secretary Ramon Jimenez, Jr., na pagtutuunan muna nila ng pansin ang iba pang stronger markets gaya ng Japan.

Mula sa DZAR 1026 Sonshine Radio News Center

Special envoys sa China, pinangalanan na

pinas — Thu, 17 May 2012 11:06:12 +0000

PINANGALANAN na ang dalawang “special envoys”, na itinalaga ni Pangulong Noynoy Aquino, upang matiyak ang magandang relasyon ng China at Pilipinas.

Napag-alamang nilagdaan na ni P-Noy ang appointment papers nina Cesar Zalamea, ang kasalukuyang chairman at chief executive officer ng Focus Range International Limited at Domingo Lee.

Si Zalamea ang naka-incharge sa paghimok sa mga Intsik na makipagkalakalan sa bansa , habang si Lee naman ang itinalaga na maghikayat ng mga turistang dumayo sa bansa.

Tatagal sa kanilang puwesto ang dalawa sa loob ng anim na buwan.

Mula sa DZAR 1026 Sonshine Radio News Center

Pilipinas, walang panuntunan sa pag-isyu ng diplomatic immunity

pinas — Thu, 17 May 2012 10:38:08 +0000

WALANG umiiral na implementing rules and regulations ang bansa, sa paglalabas ng diplomatic immunity.

Ito ang inamin ng Department of Justice (DoJ) at Department of Foreign Affairs (DFA), Justice Secretary Leila de Lima at DFA Undersecretary Rafael Seguis matapos kuwestiyunin ng Senado ang kanilang panuntunan sa pag-isyu ng immunity certification sa Panamanian rape suspect na si Erick Shcks.

Ikinagulat naman ito ni Sen. Loren Legarda na agad inatasan ang DoJ at DFA na magsumite ng kanilang panukala sa Lunes kaugnay sa pag-iisyu ng mga immunity sa mga foreign diplomat.

Mula sa DZAR 1026 Sonshine Radio News Center

Red day protest para kay CJ Corona, isinagawa

pinas — Thu, 17 May 2012 10:33:37 +0000

MULING nagtipon-tipon ang mga taga-suporta ni Chief Justice Renato Corona kasabay ng pagdiriwang ng ikadalawang taon nito bilang punong mahistrado.

Kaugnay nito, muling nagsagawa ng Red day protest ang mga SC employees, urban poor groups at ilang magsasaka ng Hacienda Luisita na nagtipon-tipon sa Supreme Court Centennial Building.

Karamihan sa mga empleyado ng hukuman ay nakasuot ng damit na kulay pula, habang nagkalat din ang sticker na may katagang “Acquit CJ Corona.”

Kasabay nito, inamin din ng mga ito na posibleng magdeklara sila ng court holiday sa mga susunod na araw, partikular na sa pagsalang ng punong mahistrado sa witness stand.

Mula sa DZAR 1026 Sonshine Radio News Center

Tactical motorcycle riders, ikinasa sa QC

pinas — Thu, 17 May 2012 10:29:46 +0000

SA layuning masawata ang mga kilabot at notoryus na riding-in-tandem, inilunsad ng Quezon City Police District (QCPD) ang bago nitong unit na tinawag na Tactical Motorcycle Riders (TMR).

Ito umano magiging susi para mapigilan ang modus operandi ng riding-in-tandem, na itinuturing na tinik sa lalamunan ng mga residente sa nasabing lungsod.

Kaninang umaga, nagpakita ng kanilang gilas ang 41 miyembro ng TMR sa Camp Karingal habang sakay sa kanilang motorsiklo.

Nagkasa rin ng drill ang TMR na kumpleto sa armas kontra mga kriminal na kunwari ay may nagaganap na holdapan at ipinamalas ang kanilang galing sa pagresponde sa mga suspek na riding-in-tandem din.

Mula sa DZAR 1026 Sonshine Radio News Center

It’s more fun in Intramuros, ilulunsad bukas

pinas — Thu, 17 May 2012 10:27:03 +0000

UPANG ipakita ang malaking pagbabago sa makasaysayang lugar sa Maynila, ilulunsad ang “It’s more fun in Intramuros” sa Ristorante del Mitre, Intramuros, Manila, bukas ng umaga (Mayo 18).

Kasabay ito ng pagdiriwang ng week-long celebration ng “Intramuros Week”, mula Mayo 18 hanggang 23.

Kaugnay nito, inaanyayahan ang publiko na maglibot sa loob ng Fort Santiago upang makita ang paghihirap ng pamahalaan sa pagpapanatili sa kaayusan at kagandahan ng nasabing heritage site.

Mula sa DZAR 1026 Sonshine Radio News Center